ALBERTO UBIRIARI AINTZATESPENA, KONPAINIAREN DIANA KONPOSATZEAGATIK

Nork idatzia: Compañia Olaberria.

Konpainiako kapitainak opari txiki bat eman dio Larreaundin

Javier García Nietok, Olaberria Konpainiako kapitainak, opari txiki bat eman dio Larreaundin Alberto Ubiriari, konpainiako pifanoen saileko kideari, aintzatespen gisa aurten lehen aldiz San Martzial egunean Gumendi etxean eta Estebenean interpretatutako Olaberriako Diana konposatu izanagatik.

Olaberria Konpainiak 2021eko ekainean ohiko batzarrean onartu zuen diana bat izateko proiektua berreskuratzea. Alberto Ubiriak, lanbidez musikaria eta konpainiako kidea, proposamen bat aurkeztu zuen. Proposamen hori onartu egin zen eta entsaioetan nahiz musika tailerretan entsaiatu izan da urte hauetan.