OSTIRALEAN KANTINERA AUKERATUKO DA

Konpainiaren batzordeak aurkeztutako bost hautagaitzak baliozkotu ditu

Astelehen honetan egindako bileran, konpainiako batzordeak kantinerarako aurkeztutako bost hautagaitzak balioztatu ditu. Aukeraketa datorren ostiralean izango da, Olaberriako eskola zaharretan. Konpainiako 320 kidek izango dute botoa emateko eskubidea.

Aurtengo aukeraketa Olaberria landa eremuari dagokio. Bozketa, ohi denez, 20:15etik 21:00etara izango da. Hautagai batek gehiengo osoa lortzen badu, kantinera aukeratua izango da. Hautagaietako batek ere gehiengo osoa lortzen ez badu, bigarren bozketa bat egingo da bi hautagai bozkatuenen artean.

Barne Erregimeneko Araudiaren 1.2 artikuluan jasotzen den bezala, konpainiako eskubide osoko kideek parte hartu ahal izango dute bozketan, eta halakotzat hartuko dira "gutxienez hiru urteko antzinatasuna edo ekitaldiak dituztenak, eta baldintza hori lehenengo kuota ordaindu eta laugarren urtearen hasieran hartuko da". Gainera, "Olaberria konpainiaren funtzionamendurako aurreikusitako kuota ekonomikoak ordaintzeko betebeharra izango dute. Kuota horiek urteko edo ekitaldiko lehen hiruhilekoan ordaindu beharko dira". Gogoratu behar da "epe horretan kuota ordaindu ez dutenek ekainaren 30a baino lehen ordaindu ahal izango dutela. Aukera horrek eskubide osoko osagaiaren eskubideak etetea dakar indarrean dagoen ekitaldian zehar", eta, beraz, ezin izango du kantineraren aukeraketan parte hartu.